🐝 Kimyoviy preparat qo‘llashda asalarilar xavfsizligiga e’tibor bering 25.08.2026 14:30🐝 Kimyoviy preparat qo‘llashda asalarilar xavfsizligiga e’tibor bering
⚠️ Qishloq xo‘jaligi ekinlarini zararkunanda va kasalliklardan himoya qilishda kimyoviy vositalardan foydalanish amaliyoti mavjud. Biroq tadbirlarni belgilangan talablarga rioya qilmasdan qo‘llash asalari oilalari va boshqa foydali changlatuvchilarning zaharlanishi va nobud bo‘lishiga sabab bo‘lishi mumkin.
✅ Asalarilar tabiatda o‘simliklarni changlatuvchi eng muhim hasharotlardan biri hisoblanadi. BMTning Oziq-ovqat va qishloq xo‘jaligi tashkiloti (FAO) ma’lumotlariga ko‘ra, dunyoda inson iste’moli uchun meva va urug‘ hosil qiladigan ekin turlarining qariyb 75 foizi ma’lum darajada changlatuvchilarga bog‘liq.
🟦 Shu bois asalarilarni muhofaza qilish — nafaqat asalarichilikni, balki qishloq xo‘jaligi hosildorligi, oziq-ovqat mahsulotlarining xilma-xilligi va oziq-ovqat xavfsizligini ta’minlash uchun ham muhimdir.
🌎 Xalqaro tavsiyalarga ko‘ra:
✍️kimyoviy ishlovlarni imkoni boricha asalarilar uchishi to‘xtaganidan keyin — kechqurun yoki tungi vaqtda o‘tkazish;
✍️ asalarilar faol ozuqa to‘playotgan kunduzgi vaqtda insektitsidlarni qo‘llamaslik;
✍️ har bir preparatni qo‘llashdan avval uning yorlig‘i va yo‘riqnomasidagi asalarilar va boshqa changlatuvchilar uchun xavfsizlik talablarini o‘rganish zarur.
🐝 Asalari oilalarni nobud bo‘lishini oldini olish maqsadida
🛡 ishlov berishdan oldin dala va uning atrofida asalari uyalari mavjudligini aniqlash;
💬 yaqin hududdagi asalarichilar bilan oldindan axborot almashish va ularni rejalashtirilayotgan kimyoviy ishlov haqida ogohlantirish;
💬 preparatni belgilangan me’yordan ortiq qo‘llamaslik;
🔗 imkoni boricha zararkunandalarga qarshi integratsiyalashgan kurash usullaridan foydalanish muhim.
🌐Telegram 💬Facebook
📷 Instagram 📺Youtube
✖Twitter Поделиться новостью:
